Samstigmorge isches gsi womer z Thalheim in Car ihsgtiege sii.
Mir sind denn los und ohni halte isch de Bus dänn bis id Alpe.

In Churwalde hemmer ghaltet und dä dä Motor den au abgeschaltet.
Mir hend den eusi Sache gno und sind uf und dä dävoo.

Mit em Sessel simmer dän duruf und zwar gad ih euses Huus.
S gepäck hemmer det deponiert und sind au gad wieder abgschwiirt.

Bis id Stätz ue simmer cho bis eus s Wetter d Motivation het gno.
Die ambitionierte hends den glich probiert und sind chli uf dä Piste umegiirt.

Die andere hend sich im Restaurant ihgrichtet und sich eine hinder d Bueche gfichtet.
Wos denn ahfah het Schneeie het mer dusse niemrt meh gseh uf dä Piste umegheie.

Und so hend den au die ambitionierte sich im Resti lah bewirte.
Am Namittag mer glaubts fast nid isch mer däne nümme wiit.
Mer isch den nur no ich die nächsti Möst und het det wiiter Swizzly dröscht.

Wo denn d Lift scho sind gstande sind mir au mal zrugg ih euses Huus gange.
Nach em Dusche und em Esse hemmer den glich nomal chli welle go fääschte.

Wo mer denn het welle gah haltet doch plötzlich no en Schneetöff ah.
Hine druf ih voller Pracht en Tahlheimer wo nümme viel macht.
Mer het den de gueti mah eifach no schnell ih sis Bettli da.

Nur eine het jetzt no gfehlt wo d Ski für dä Heiweg het gwählt.
Mer het sich den uf d Piste gwahgt und dä Pistebullyfahrer gfrahgt.
Dä Psitebullyfahrer het den gseit das det obe scho sit längerem eine über di eigene Ski iegheit.
Und promt isches dä Thalheimer gsi wo scho sit längerem sött diheime si.

Nacher simmer den ine Bar wos au internationli Lüüt het gha.
 Da frögt eine euse Kubotapilot uf englisch wieso das es da dä glichi Trainer heg so mängisch.

Da antwortet er isch doch klar mir sind en TV und das sit meh als 100 Jahr.
Da luegt doch dä euse Kubotapilot ah und meint den mösst er aber chli meh Muskle ha.
Am Kubotapilot gheit dä Lade abe und er stellt gad no es Bier in Mage.
Nacher hemmer trunke, gsunge und viel glacht und no lang Stimmig gmacht.
Die einte hends den so guet gha das sie sich no eh Langhaar Frisur hend wachse lah.

Am Sunntig morge den ohje hend es paar chum zum Gsicht usgseh.
Viel het mer zum Teil nümme gwüsst nidmal das mer no en Tahlheimer het küsst.  

Doch Dank dem tolle Wetter sind den glich no all uf d Bretter.
Di einte sind denn richtig go düüse, nur eine het lieber welle s Skibillet vom Lift abeschüsse.

Aber au im Restraurant het mer d Sunne chöne gnüsse und no eis zwei Swizzly inegüsse.
Mer het amne neue Ort abgmacht und es hend denn no alli glacht
wo dä ohni Skibillet au no sine Händsche ligelah het.

So hend sich den aber glich no alli troffe und mer het halt no wiiter gsoffe.
S Gsicht vom Verein het animiert und uf voller längi brilliert.
Dä gueti wii isch so liecht dä Hals abgflutsch da isch ihm Brülle au gad d Nase abergrutscht.  

Halbi 5i isches denn gsi wo mir alli nomal hend mösse uf d Ski.
Mer isch den abe ih dä Begleitig vo dä Pistekontrolle und ziemlich Alkohol ih dä Leitig.
Churz vor em Huus oh nei oh Gruss ragt doch da en Pfahl zum Bode us.

Da chunt doch eine mit viel Schwung und verkantet da ganz dumm.
Uswiiche chan er nümme und drum au nid geg dä Pfahl gwünne.  

Jetzt zwirblet er in Pfoste dri und sis Bei isch ich zwei Teili gsi.
Natürlich het mer ihn nid liege lah sondern uf Chur is Spital da.

Die andere hend sich uf dä Heiweg gmacht und no viel Ziit im Stau verbracht.
3 Stund sind den verbi bis mir wieder dehei sind gsi.

Dank guete Kollege und em TV isch dä Verletzti hüt glich au ah dä GV.
Gueti besserig ah euse Patient und das er gli wieder zrugg isch mit sine volle 80 Prozent.